Агарту эшен киң колач белән!

Утырышта юл хәрәкәте иминлеге дәүләт инспекциясенең район бүлеге җитәкчесе, полиция капитаны Илнур Кәримуллин, “Теләчеинформ” мәгълүмат үзәге директоры Ленар Хуҗин, хуҗалык-эксплуатация конторасы җитәкчесе Газинур Закировларның информацияләре тыңланды. Чарада Россия Эчке эшләр министрлыгының Теләче бүлеге җитәкчесе, полиция подполковнигы Фәрит Гатауллин катнашты.

Утырышта йомгаклау сүзе муниципаль район башкарма комитеты җитәкчесе Илнур Хамидуллин чыкты. Аның тарафыннан хөрмәтле инспекторларыбызга, мәгариф хезмәткәрләренә, җаваплы белгечләргә районыбыз биләмәсендәге юлларда, бигрәк тә җәяүлеләр кичүе урнашкан участокларда уяулыкны киметмәү, кагыйдә бозу, аварияләр очракларын булдырмау, кисәтү чаралары күрү, һәрдаим яктылыкны кире кайтару элементларын пропагандалау, халык арасында, бигрәк тә мәгариф учреждениеләрендә киң колач белән агарту эшләре алып бару бурычы куелды. Районның дәүләт автоинспекциясе җитәкчесе  Илнур Каримуллин билгеләп үткәнчә, иминлек каешлары да, балалар утыргычлары да штрафлардан качу өчен түгел, ә бәлки үзебезнең, балаларыбызның исәнлеге өчен эләктерелергә тиеш. Кызганыч, йөртүчеләрнең, балаларын махсус утыргычка утыртып йөрергә тиешле әти-әниләрнең күбесе әлеге хакыйкәтьне киресенчә аңлый. Бу исә авария очрагында хәлне күпкә катлауландыра: ул үлем яки  авыр тән җәрәхәте алу белән төгәлләнергә мөмкин.

Фәнил Гаязов.