Академик Тәлгать Сираҗетдинов укулары узды
Бүген Сауш төп мәктәбендә “Академик Тәлгать Касыйм улы Сираҗетдинов укулары” кысаларында III ачык фәнни - гамәли конференция булып үтте.
Аны ачу тантанасында муниципаль район башкарма комитеты җитәкчесенең социаль мәсьәләләр буенча урынбасары Динар Гыйниятуллин, техник фәннәр докторы, КНИТУ - КАИ профессоры, Рифкать Сираҗетдинов (Тәлгать Сираҗетдиновның улы), КНИТУ - КАИ укытучысы Зиннәтулла Шиһапов, район мәгариф бүлеге мөдире урынбасары Динар Якупова, методист Галия Шөгаепова һәм Сауш төп мәктәбе директоры Альбина Хәсәнова катнашты һәш чыгыш ясады.
Фәнни-гамәли конференциядә Югары Кибәхуҗа, Олы Мишә, Теләче, Олы Мәтәскә урта мәктәпләре һәм Сауш төп мәктәбе укучылары актив катнашты. Аларга фәнни-гамәли хезмәтләрен презентацияләүдә, проектларын яклауда фәнни җитәкчеләре - укытучылары бик теләп булышты.
Азактан, конфернциядә катнашап, фәнни эшләрен, проектларын уңышлы яклаган һәм презентацияләгән укучыларга Дипломнар тапшырылды. Фәнни - гамәли конференция турында тулырак “Теләче” газетасының алдагы саннарыннан укый аласыз.
Фәнил Гаязов.
Следите за самым важным и интересным в Telegram-каналеТатмедиа
Нет комментариев