Авыл җирлекләрендә шәхси затларның үзйөрешле машиналарына техник карау бара
Агымдагы елның 25 апреленнән районның авыл җирлекләрендә шәхси затлардагы трактор һәм тагылма арбаларга техник карау бара. 13 берәмлек авыл җирлегенең 10 сында мондый чаралар узды инде. Техник карауга килүчеләр күрсәткече, техникасы булган шәхесләр санын уртача 65-70% тын тәшкил итә.
12 май көнне Иске Җөри авыл җирлеге территориясендә яшәүче шәхси затларның трактор һәм тагылма арбаларына техник карау чарасы үткәрелде. Тикшерү барышында анда катнашучы затларның регистрация документлары, техникаларының төзеклеге һәм куллану вакытында куркынычсызлык таләпләренә җавап бирү мөмкинлекләре каралды.
Һава шартлары гел ук кояшлы булмаса да, чарага килүчеләр техникаларын яхшы әзерләргә тырышканнар. Күзәтчелек органы таләпләреннән тыш, техниканың тышкы өслеген чистартып, буяп куюлар, әлеге чараның авыл җирлегендә аерым статуска ия булуын курсәтә.
Следите за самым важным и интересным в Telegram-каналеТатмедиа
Нет комментариев