Беренче номерлы балалар бакчасында янгын куркынычсызлыгы көне үткәрелде

 Балалар "Янгын чыгу сәбәпләре" дигән видеоролик карадылар, "Янгын вакытында үз-үзеңне тоту кагыйдәләре" белән таныштылар, Татарстан Республикасы Саба һәм Теләче муниципаль районнары буенча дәүләт янгын күзәтчелегенең өлкән инспекторы Тимерханов Л.М. "Янгын куркынычсызлыгы кагыйдәләре" дигән әңгәмә үткәрде, табышмаклар бирде, күңелле эстафеталар уздырды. Кечкенәләр төркеме балалары белән «Янгын сүндерүчеләр» рольле -сюжетлы уенын уйнау тагы да кызыклы булды. Соңыннан Ленар Марселевич “Янгын куркынычсызлыгы сагында» диеп аталаган рәсемнәр бәйгесенә йомгак ясап балаларга дипломнар һәм истәлекле бүләкләр тапшырды.