Бозга чыкмагыз
Көннәр җылыну белән елга һәм күлләрдәге боз ныклыгын югалта, кояш нурлары, су агымы белән эри, көпшәкләнә һәм җитди куркыныч тудыра.
Кышкы балык тоту өчен кулланыла торган урыннарда аеруча уяу булырга кирәк. Урыннан урынга күчкән вакытта бозның ныклыгын тикшереп тору зарур. Ярдан төшү шулай ук аеруча саклык таләп итә, чөнки бозда күренмәгән ярыклар һәм һава куышлыклары булырга мөмкин. Язын сулыкларга чыкмагыз, боз киткән вакытта сулыкларны кичмәгез, боз тыгылган урыннарга якын килмәгез.
Һәм, әлбәттә, хәзер кышкы балык тоту сезонын, фаҗигане көтмичә, киләсе кышка кадәр ябарга кирәк. Мәсәлән, кичә Яшел Үзән районында Идел елгасында М7 «Идел» трассасының автомобиль күпере астында ике балыкчы боз астына киткән.
Язгы ташу алдыннан балалар белән тагын бер тапкыр сөйләшергә, аларга язгы бозның куркыныч булуы турында аңлатырга, бу чорда үз-үзеңне тоту кагыйдәләрен искә төшерергә кирәк. Аларның уен урыннарын контрольдә тотуны көчәйтергә кирәк. Балалар сулыкларга олылардан башка якын килергә тиеш түгел.
Уяу булыгыз, үзегезне саклагыз.
Следите за самым важным и интересным в Telegram-каналеТатмедиа
Нет комментариев