БӘЙРӘМНӘР МӨБАРӘК БУЛСЫН!

Сезне төп дәүләт бәйрәмнәребез – Халыклар бердәмлеге көне һәм Татарстан Республикасы Конституциясе көне белән чын күңелдән тәбрик итәбез. Бу бәйрәмнәр дәүләтебезнең ныклы нигезен символлаштыра, җәмгыятебезне рухи һәм хокукый яктан берләштерә. Милләтара бердәмлекне ныгыту бөтенхалык дәрәҗәсендәге әһәмияткә ия. Халыклар бердәмлеге илдәге социаль-икътисадый үсешнең, кешеләр иминлегенең мөһим шарты. Ә Конституциябез үзенең тормышчанлыгын, хаклыгын раслады, социаль һәм икътисади мәсьәләләрне хәл итү нигезенә, иҗтимагый-сәяси тотрыклылыкны, мәдәни һәм рухи-әхлакый үсешне тәэмин итү гарантына әверелде. Татарстанлылар аны үзләренең Төп законы итеп, чирек гасыр яшиләр. Районыбыз халкы әлеге истәлекле датаны бәйрәм рухы белән каршылый. Ел дәвамында авыл хуҗалыгының, сәнәгатьнең һәр тармагында күркәм нәтиҗәләргә ирешелде. Хөрмәтле райондашлар! Сезнең барыгызга бәхет һәм иминлек, сәламәтлек, оптимизм, ныклык, тынычлык телибез.
Муниципаль район Советы, муниципаль район башкарма комитеты