Теләче Информ

Чират - кукурузга!

Бүген, ягъни 26 май көнне, муниципаль район башлыгы Нәҗип Хаҗипов, район авыл хуҗалыгы һәм азык-төлек идарәсе җитәкчесе Ралиф Низаметдинов белән җаваплылыклары чикләнгән “Таң”, “Агролак” ширкәтләре, “Әхмәтова Г.Ф.” крестьян-фермер хуҗалыгы басуларында булып, язгы кыр эшләренең барышы белән танышты.

Авыл хуҗалыгы предприятиеләре җитәкчеләре, белгечләр һәм механизаторлар белән очрашу, аралашу барышында ул соңгы биш көнлектә югары нәтиҗәләргә ирешеп эшләгән игенче-механизаторларга кызыксындыру премияләренең сертификатларын тапшырды. Мисал өчен, бүген Илсур Камалиев (“Таң” ширкәте), Таһир Баһавиев (“Агролак” ширкәте), Рәсим Зарипов һәм Таһир Вәлиевлар (Әхмәтова Г.Ф.” крестьян-фермер хуҗалыгы) аның кулыннан сертификатлар кабул итеп алды. Кызысындыру премияләре ияләренә Теләче Сабантуенда, барча халык алдында тапшырылачак.

Хәзер җаваплылыгы чикләнгән “Агролак” ширкәте, “Әхмәтова Г.Ф.” крестьян-фермер хуҗалыгы игенче-механизаторлары бөртекле культураларны чәчүне тәмамлап, кукуруз чәчәләр.

Фәнил Гаязов.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: