Якташларыбыз иҗаты

Мин тормышка гашыйк,яшәү ямен тоям-
Җаным,тәнем белән тоямын...
Кешеләрне сөям,аермыйча-
Мин барында тигез сөямен !

Һаваларга гашыйк,зәңгәр күккә,
Йолдызларга гашыйк төннәрен...
Агачларга гашыйк,ак каенга -
Чын йөрәктән сөям үзләрен !

Яшеллеккә гашыйк ,җәй көнендә,
Сары яфракларга көзләрен...
Ак карларга гашыйк җемелдәгән,
Чын күңелдән сөям үзләрен.

Тургайларга гашыйк,зәңгәр күктән -
Яз көнендә җырын сузганда...
Мин көзләргә гашыйк,торналарга -
Канат кагып ,очып узганда.

Мин тормышка гашыйк гомерем буе ,
Эчтә әле җаным булганда...
Табигатькә гашыйк,сөеп туймыйм,
Мин бәхетле йөреп торганда!

Җәүдәт Мөхәмәтшин.Казан-Сауш.