Якташыбыз, ветеран журналист Галәветдин Зыятдинов истәлегенә багышланган бәйгегә старт бирелде

Конкурсның максаты: талантлы яшь журналистларны ачыклау һәм аларга  ярдәм итү.  Конкурста теләгән һәркем катнаша ала. Конкурс эшләре рус яки татар телләрендә, видеоязмалар рәвешендә башкарыла (регламент – 5 минутка кадәр).

Тәкъдим ителгән темалар:

1. “Авыл” (авыл хуҗалыгы темалары)

2.“Репортаж” (мәктәп чараларыннан репортажлар);

3. “Шәхес” (районыбызның күренекле кешеләре);

4. “Ватанчы” (яшьләрнең гражданлыгы һәм патриотизмы);

5. "Сәламәтлек” (сәламәтлекне саклау);

6.  “Халык традицияләре” (гореф-гадәтләр, милли бәйрәмнәр);

7. "Без бүген нәрсә турында хыялланабыз” (яшьләрнең ни уйлавы турында);

8. "Аталар һәм балалар» (буын мөнәсәбәтләре проблемасы).

Иҗади эшләрне   tulinf@rambler.ru  почта адресына яисә 89393967641 номерында 2023 елның 1 маена кадәр кабул итәбез. Җиңүчеләрне бүләкләү   май аенда  Гәләветдин Зиятдиновның туган авылы Бичердә узачак.  

Белешмә: Тележурналист, авыл турында популяр тапшырулар авторы һәм алып баручысы Галәветдин Зыятдинов районыбызның  Бичер авылында туган. Кырык елга якын ул туган җиргә һәм анда яшәүче кешеләргә тугры калып Татарстан ДТРК да эшли.