Яшь картингчылар көч сынашты
Бүген районның ДОСААФ оешмасы базасында укучы балалар арасында Теләче муниципаль районы башлыгы Кубогына картинг ярышлары булып үтте.
Дүртенче тапкыр үткәрелүче ярышларны ачу тантанасында муниципаль район башлыгы Айрат Фатхуллин, Татарстан Республикасы Дәүләт Советы депутаты Нәҗип Хаҗипов катнашты һәм чыгыш ясады.
Ярышта Балтач, Кукмара, Теләче, Арча, Менделеевск, Лаеш районнарыннан килгән яшь картингчылар көч сынашты. Көн буе дәвам иткән киеренке һәм мавыктыргыч ярышта призлы урыннарны Балтач, Кукмара һәм Теләче районнары командалары яулады.
Ярышта җиңүчеләрне муниципаль район башкарма комитеты җитәкчесе Илнур Хамидуллин бүләкләде. Җиңүчеләргә һәм җиңүче командаларга Дипломнар, медальләр һәм Кубоклар һәм акчалата призлар тапшырылды.
Ярышларның барышы һәм шәхси беренчелектә кемнәр җиңү яулавы турында тулырак «Теләче» газетасының киләсе саныннан укый аласыз.
Фәнил Гаязов.
Следите за самым важным и интересным в Telegram-каналеТатмедиа
Нет комментариев