Җәйге айларда иң күп бәла-казаларга очраулар мотоциклчылар белән бәйле
Җәй көне авыл халкы өчен иң уңайлы, ягулыкны иң аз сарыф итә торган транспорт, әлбәттә, мотоцикл. Әмма статистикадан күренгәнчә, иң күп бәла-казаларга очраулар да нәкъ менә мотоциклчылар белән бәйле икән.
Бәхетсезлек очракларының күбесе техник тикшерү узмаган, төзек булмаган техникада йөрү нәтиҗәсендә килеп чыга. Кайбер авылларда 13-14 яшьлек мотоциклчы малайларны да очратырга була. Шунысы аянычлы: әти-әниләр балаларының әлеге төр транспорт белән чуалуына "бармак аша" карый. Шуңа да игътибарсызлыкның ахыры күп вакыт аяныч тәмамлана.
Үзләренең балигъ булмаган балаларын тиешенчә тәрбияләмәгән өчен ата-аналар җавап бирәчәк. Махсус комиссия тарафыннан районга чакырылып, балаларыгыз өчен кызарганчы, аларны күз уңында тотып, һәр адымнарын контрольдә тотарга кирәкләген искәртеп узабыз. Мопед, скутерлар алганчы, ул-кызларыгызны берәр шәһәргә алып барып, тарихи һәйкәлләр белән таныштырып кайтсагыз, ял лагерьларына җибәрсәгез, күпкә файдалы булыр иде дә бит.
Следите за самым важным и интересным в Telegram-каналеТатмедиа
Нет комментариев