Иң куркыныч маневр

Шуңа да кагыйдә бозучыларга штрафлар саллы.  Элек бу кагыйдәне бозучыларга 5 мең сум штраф салып, яки 4 айдан 6 айга кадәр машина йөртү таныклыгыннан мәхрүм итсәләр, 2025 елның 1 гыйнварыннан бу сумма 7500 сумга кадәр артты яки 4 айдан 6 айга кадәр машина йөртү таныклыгыннан мәхрүм итәргә мөмкиннәр. Хәзер штраф суммасы  75%лы ташлама белән ул 5 мең 625 сум күләмендә килеп чыга. Штрафны бер ай эчендә түләргә кирәк.  Элек ташлама 50% күләмендә бирелә һәм штрафны 20 көн эчендә түлисе иде.

Быел гыйнвар аенда республикабыз юлларында каршы як полосага чыгу белән бәйле 35 юл-транспорт фаҗигасы теркәлгән, аларда 14 кеше үлгән, 57 кеше авыр тән җәрәхәте алган. Гыйнвар ае цифрлары гомернең секундка, минутка караганда, күпкә кадерле булуы турында искәртә.Үзегезнең, башкаларның язмышы белән шаярмагыз. Юлларда үзегезне саклагыз, башкаларга да хөрмәт күрсәтегез, - ди юл хәрәкәте иминлеге дәүләт инспекциясенең район бүлеге инспекторы, полиция лейтенанты Ленар Кыямов.