«Кырым язы. Без бергә» исемле тарихи дәрес үтте

Дәресне тарих һәм җәмгыять белеме укытучысы Раил Рәшитов алып барды. Ул Кырым ярымутравы тарихы турында сөйләде, шулай ук Кырым ярым утравының төрле матур урыннары буенча кызыклы виртуаль экскурс та үткәрде.
Кырым ярымутравының тарихи экскурсиясендә төп максат Кырым белән Россия арасындагы күпгасырлык тарихи бәйләнешләрне, уртак батырлык сәхифәләрен һәм данлы тарихи вакыйгаларны тирәнтен ачып бирү иде. Бу сәяхәт барышында катнашкан укучылар ике халыкның уртак язмышы, мәдәни һәм тарихи уртаклыклары турында киңрәк мәгълүмат ала алдылар.

Билгеле булганча, 18 март көнне бөтен илебездә мөһим дата - Кырымның Россия белән кушылу көне билгеләп үтелә. Нәкъ 11 ел элек Кырымда референдум үткәрелде, Кырым ярымутравы рәсми рәвештә Россия Федерациясе составына керде, ә Кырым Республикасы һәм Герой-шәһәр Севастополь Россия Федерациясенең субъектлары статусын алдылар. Кырымлыларның 96% тан артыгы Россия белән берләшү өчен тавыш бирде.