Кыска срок һәм сыйфат - иң тәҗел мәсьәлә
Бүген, ягъни 13 май көнне, муниципаль район башлыгы Нәҗип Хаҗипов, район авыл хуҗалыгы һәм азык-төлек идарәсе җитәкчесе Ралиф Низаметдинов белән берлектә, җаваплылыклары чикләнгән “Алан”, “Август - Теләче” һәм “Агролак” ширкәтләре басуларында булып, язгы кыр эшләренең барышы белән танышты.
Бер уңайдан ул алдагы биш көнлектә нәтиҗәле хезмәт куган игенче-механизаторларга кызыксындыру премияләренең сертификатларын да тапшырды. Бүген аның кулыннан әлегедәй сертификатларны Альфред Камалов белән Генадий Назаров (“Алан” ширкәте), Александр Баканов (“Август - Теләче” ширкәте) һәм Илназ Габделхаков (Агролак” ширкәте) кабул итеп алды. Болардан тыш, җаваплылыгы чикләнгән “Алан” ширкәте җитәкчесе Алмаз Фәсхетдиновны туган көне белән котлады, киләчәк эшендә уңышлар, гаилә иминлеге теләде.
- Бүген һәркемнән зур оешканлык һәм чәчү эшләрен югары сыйфат белән башкарып чыгу таләп ителә. Булдыксызлыкны һава торышы көйсезлегенә, яңгыларның еш булуына сылтарга кирәкми. Арада экватор сызыгын узып эшләүчеләр дә, чәчүгә кичә-бүген төшүчеләр дә бар. Шартлар һәркемгә дә бер. Язгы кыр эшләрен кыска срокта, югары сыйфат белән башкарып чыгу - иң тәҗел мәсьәлә, - диде ул авыл хуҗалыгы предприятиеләре җитәкчеләренә һәм кырда көнне төнгә ялга эшләүче механизаторларга мөрәҗәгать итеп.
Следите за самым важным и интересным в Telegram-каналеТатмедиа
Нет комментариев