“Кышкы уеннар” атнасы узды

Кышкы уеннар балаларның физик һәм акыл сәламәтлеген саклаү, сәламәт яшәү рәвешенә омтылыш тәрбияләү,спорт яратырга кызыксынучалыкны,  көндәлек тормышта уен вакытында башкаларга карата ягымлы мөгаләмә булдыру максатларын үтәргә ярдәм итә.

Шуларны истә тотып,  Теләченең беренче номерлы балалар  бакчасында гыйнвар аеның бер атнасы “Кышкы уеннар” темасы астында үткәрелде. Йомгаклау чарасы буларак, зурлар төркемнәре балалары белән дә, саф һавада кызыклы кышкы уеннар уйналды, балалар биеделәр, шаярдылар.