Очрашуның максаты - Теләче районындагы хуҗалыкларга көллияттән студетларны эшкә җәлеп итү
Бүген Теләче районыннан бертөркем делегация Саба аграр көллиятендә булып, анда студентлар өчен булдырылган шартлар белән танышып кайтты.
Район мәдәният йорты каршында эшләп килүче үзешчән коллективлар Саба көллиятендә укучыларга концерт куйса, делегациянең икенче өлеше, көллият директоры Бикмөхәммәтов Закирҗан Миннемуллович белән берлектә, уку булмәләрендә, мастерскойларда, лабораториядә булып, укучыларның ничек укулары белән танышты.
Очрашуның максаты – көллияткә Теләче районыннан мөмкин кадәр күбрәк чыгарылыш сыйныф укучыларын җәлеп итү һәм Теләче районындагы хуҗалыкларга көллияттән студетларны эшкә чакыру. Көллиятнең эше бик югары дәрәҗәдә оештырылган, укыту кабинетларында соңгы заман таләпләре буенча әсбаплар куелган, укучыларның көллияттә күп эшкә өйрәнеп чыгулары куренеп тора.
Шунсын да әйтеп узарга кирәк, студентларга биредә яшәү өчен дә бөтен шартлар булдырылган, ашау һәм тору бушлай.
Следите за самым важным и интересным в Telegram-каналеТатмедиа
Нет комментариев