Олы Тиләҗе авылында зур ифтар узды
Кичә Олы Тиләҗе авылында ике йөз кешегә әзерләнгән зур ифтар узды.
– Әлеге күркәм чара авылыбыз ир-егетләре – Нигьмәтуллин Марат Айрат улы һәм Хәйруллин Айрат Ринат улы иганәчелеге белән оештырылды. Казан шәһәренең Совет районы имам - мөхтәсибе, 1997-1998 елларда нәкь тә менә Олы Тиләҗе авылы мәчетендә тәүге дини дәресләрен биргән Рөстәм хәзрәт Вәлиуллин ифтарның кадерле кунагы булды. Ул шәкертләренең зурлап әлеге чарага дәшүләренә нык сөенүен әйтеп узды. Практикасы дәверендә булган истәлекләре белән уртаклашты. Һәм әлбәттә, ифтарга җыелучыларга үтемле вәгазен ирештерде. Әлеге күркәм чарада катнашкан хәркем оештыручыларга ихлас рәхмәтләрен әйтеп таралышты", - дип хәбәр иттеләр безгә Олы Тиләҗе авылыннан.
Следите за самым важным и интересным в Telegram-каналеТатмедиа
Нет комментариев