Пасха көнендә иртә таңнан балалар йорттан-йортка йөреп авылдашларын бәйрәм белән котлый
23 апрельдән 24 сенә каршы төндә районыбызның Колбагыш (Иске Карабаян) авылында Федоров Михаил белән Юлия түти өйләрендә, бәйрәм гыйбадәтләре укылды.
Дин тотучылар аларга изгеләндерелгән бәйрәм нигъмәтләрен - куличлар, буялган йомыркалар да алып килгәннәр иде. Алар, ике сәгатькә сузылган бәйрәм гыйбадәтләреннән соң мул табыннар артына утырып тәмле тәгамнәрдән авыз иттеләр - бу Изге көн туу, Христосның үлеп терелүе шатлыгын уртаклаштылар.
Йола буенча, христиан динен тотучылар әлеге бәйрәмне төнен йокысыз уздыралар. Алар бер-берсен бәйрәм белән тәбриклиләр, Пасха көнендә иртә таңнан балалар йорттан-йортка йөреп авылдашларын бәйрәм белән котлый. Сабыйлар Христосның прообразы буларак кабул ителә. Аларны һәр өйдә ачык йөз белән каршы алалар, буялган йомыркалар, тәм-томнар белән сыйлыйлар.
Следите за самым важным и интересным в Telegram-каналеТатмедиа
Нет комментариев