Райондашларыбыз иҗаты

admin, 6 февраль 2025 - 08:39

202

Гел шулай булыр микән!?

Бу күңелне аңламассың
Әллә нык арып киткән?
Бераз шүрләп куям,кайчак,
Гел шулай булыр микән?

Арыгандыр , дөньясы да
Әнә, буталып беткән.
Хәтта көн узганын сизмим,
Гел шулай булыр микән?

Китә алмый,җанга тия,
Гел бер уй, кичен - иртән.
Нинди хәбәр ишетелер?
Курку йөрәккә күчкән…

Чынга ашмастай хыяллар
Кунакка дәшми күптән.
Үткәнне барлап юанам,
Гел шулай булыр микән?

5.01.2025 Сиренә Гатиятова

Следите за самым важным и интересным в Telegram-каналеТатмедиа

Оставляйте реакции

К сожалению, реакцию можно поставить не более одного раза :(
Мы работаем над улучшением нашего сервиса