Салкын майны яхшыга юрыйк!

Шуңа да карамастан, бу салкын көннәрне белгечләр яхшыга юрый. Район авыл хуҗалыгы һәм азык-төлек идарәсеннән 3 май иртәсенә алынган мәгълүматлардан күренгәнчә, күпъеллык үләннәрне тырмалау эше тәмам инде. Әлеге агрочара алдан планлаштырылганча, 8371 гектар мәйданда башкарылган. Күпъеллык үләннәр 7156 гектар мәйданда тукландырылган. Эшнең планга карата үтәлеше - 85%. Көзге культуралар 4273 гектарда тырмаланган. План - 4649 гектар мәйдан. Үтәлеш - 92%.

Хәзер районыбыз кырларында 8254 гектар мәйданда чәчү эшләре башкарылган. Планга карата эш үтәлеше - 31%. Планда каралган чәчүлек мәйданнары - 26837 гектар мәйдан. Бүген иң югары чәчү темпы җаваплылыгы чикләнгән “Август - Теләче” ширкәтендә!  Хәзер алар барлык чәчелергә тиешле чәчүлек мәйданнарының 46%ын чәчеп өлгергәннәр. Шулай ук язгы кыр эшләре темпы җаваплылыклары чикләнгән “Алан”, “Игенче” һәм “Чулпан” ширкәтләрендә дә яхшы. Ә менә “Шәрәфиев” шәхси предприятиесе механизаторларына (элеккеге җаваплылыгы чикләнгән “Таң” ширкәте) эш темпын бермә-бермә бер арттыру зарур.

Фәнил Гаязов.