“Табын күрке – милли ризык”

Аларны әзерләү осталыгы бик күптәннән килә.  Шуны күздә тотып, Максабаш авылы мәдәният хезмәткәрләре  “Табын күрке - милли ризык” дип исемләнгән  әдәби музыкаль кичә оештырдылар. Кичә барышында “Ак калфак” оешмасы хатын-кызлары үзләре пешереп килгән милли ризыкларны башкаларга тәкъдим иттеләр, аларны үзләренә генә хас булган  әзерләү серләре белән уртаклаштылар, кызлар исә өлкәннәрдән  аш-су пешерү буенча күп кенә үзенчәлекләрне өйрәнделәр.  Чара үлән чәйләре эчеп,  табын артында матур җырлар белән дәвам итте.