Тәүге утырышта
Бүген муниципаль район Советының кече утырышлар залында муниципаль район башлыгы Айрат Фатхуллин җитәкчелегендә район биләмәсендә язгы кыр эшләрен һәм башка сезонлы эшләрне кыска срокларда һәм нәтиҗәле үткәрү максатыннан оештырылган штабның тәүге утырышы булып үтте.
Исегезгә төшерәбез, әлеге штаб 2025 елның 25 февралендә Теләче муниципаль районы башлыгының 10 номерлы боерыгы нигезендә оешты.
Тәүге утырышка “Әхмәтова Г.Ф.” крестьян- фермер хуҗалыгы, “Шәрәфиев Р.З” шәхси предариятиесе җитәкчеләре һәм белгечләре чакырулы иде. Утырышта әлеге авыл хуҗалыгы предприятиеләренең язгы кыр эшләренә һәм башка сезонлы эшләргә әзерлекләре уртага салып сөйләшенде: симәнә, ашлама нисбәте, техника ремонты барышы каралды, аларны булдыру, ә авыл хуҗалыгы техникасын 15 мартка кадәр ремонтлап, әзерләп бетерү бурычы куелды. Утырышта әлеге хуҗалыкларның бүгенге тәрҗемәи һәм икътисади хәле белән район авыл хуҗалыгы һәм азык-төлек идарәсе җитәкчесе Ралиф Низаметдинов таныштырса, йомгаклау сүзе белән муниципаль район башлыгы Айрат Фатхуллин чыкты.
Фәнил Гаязов.
Следите за самым важным и интересным в Telegram-каналеТатмедиа
Нет комментариев