«Теләчеинформ» мәгълүмат үзәге хезмәткәрләре өмәдә

Яз кояшы турырак һәм җылырак карый башлау белән районда язгы санитар чистарту өмәләре башлана. Чөнки яз җитү белән кыш буе кар астында күренми яткан чүп-чар баш калкыта башлый. Кыштан соң  табигать уяна,  тирә-якны тәртипкә китерү, төзекләндерү вакыты җитә.  

Райондашларыбыз бердәм рәвештә беренче язгы өмәдә катнаша. Алар  тирә-якны кардан арындыру өчен кулларына көрәк алып, каралып яткан кар-боз өемнәрен  тирә-якка тарата, кар астыннан чыккан чүп-чарны да җыя. Оешма-учреждениеләр коллективлары үзләре эшләгән биналарның тирә-ягын һәм билгеләнгән участокларны чистарта – һәркем үз территориясендә тәртип булдыруга  өлеш кертә.