Теләченең өченче номерлы балалар бакчасында беренче тапкыр космоска очуга багышланган чаралар узды

Зурлар төркеме балалары белән космос, Кояш системасы планеталары, космик очышлар турында танып-белү дәресләре һәм әңгәмәләр үткәрелде, балалар  тәҗрибә - эксперименталь эшчәнлек ярдәмендә вулканның атылуын күрделәр.

Әңгәмәләрдә педагоглар мәктәпкәчә яшьтәге балаларны космонавтика үсешенең башлангычында торган галимнәр белән таныштырдылар. Балалар йолдызлар һәм планеталарның серле дөньясы сурәтләнгән иллюстрацияләрне карадылар, шигырьләр укыдылар һәм табышмакларга җавап бирделәр, картиналар ясадылар һәм космоска һәм аны беренче ачучыларга багышланган эшләнмәләр ясадылар.