Теләче Информ

Теләче районы

18+
Район яңалыклары

«Халык җәүһәрләре» проектында

Егерме елга якын «Рәшит Ваһапов» исемендәге татар мәдәни-иҗтимагый фонды татар җыр сәнгатен үстерүгә, аны пропагандалауга, яңа талантлар эзләп табуга өлешен кертә, яңа проектларга старт бирә.

Әлеге проектлар бөтен дөньяда сибелеп яшәүче татарларны берләштерүгә, аларны бер учак тирәсенә җыюга мөмкинлек бирә, барлык милләт халыкларын берләштерүгә, ныгытуга зур өлешен кертә. «Халык җәүһәрләре» проекты өч ел гына яшәвенә карамастан, 300 кеше монда катнашырга гариза бирде һәм 28 җиңүче арасында райондашларыбыз "Наз" квартеты кызлары (Рада Әхмәтгаязова, Әлфия Поташова, Резидә Сафина, Илһамия Нәҗметдинова) да агымдагы елның 14 мартында үткәрелгән фестивальнең Гала - концертында чыгыш ясады. Фестиваль-конкурс «Халыкчан башкару», «Эстрада җыры», «Инструменталь башкару», «Академик вокал», «Хореография», «Ансамбль» номинацияләрендә үткәрелде. Кичәдә Кытай, Төркия, Азәрбайҗан, Казахстан, Үзбәкстан һәм Россиянең төрле төбәкләреннән килгән артистлар чыгыш ясады. Мәртәбәле жюри өч турга узган барлык катнашучыларны беренче дәрәҗәдә Лауреат дипломы һәм акчалата премия белән буләкләде.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев