Казан Сабан туеның көрәш батырлары: исемлектә Раил Нургалиев та бар

Һәр Сабан туеның төп бизәге, әлбәттә - татарча көрәш. Быел башкала Сабан туенда ир-егетләр 6 авырлык үлчәвендә - 65, 75, 85, 100, 120 һәм 120дән югары килограммда бил алышты.

Көрәшнең чемпионнары - Рәмис Саматов (Идел буе районы, 65 килограмм), Рамил Синәкәев (Вахитов районы, 75 килограмм), Ильмир Төхвәтуллин (Яңа Савин районы, 85 килограмм), Раил Нургалиев (Теләче, 100 килограмм), Лениз Абдуллин (Вахитов районы, 120 килограмм) һәм Ильяс Галимов (Әлмәт, авыр үлчәү).

Сабан туеның баш батыры - Әлмәт көрәшчесе Ильяс Галимов.