Россия банклары клиентларының биометрик мәгълүматларын җыя башлый
Россиядә клиентларның биометрик мәгълүматларын җыю хокукы бирүче закон үз көченә керде. Алынган мәгълүмат бердәм биометрик системада сакланачак. Бу хакта “Известия” газетасы яза.
Россия Президенты Владимир Путин мондый законны 2017 елда ук имзалаган иде. Аның буенча банклар клиентка интернет аша хезмәтләр күрсәтү хокукын ала. Биометрик идентификация механизмын кертү турындагы нигезләмәләрнең бер өлеше 29 июньдә үк үз көченә керде.
Клиентның шәхесен читтән торып раслау өчен, банклар бердәм идентификация һәм аутентификации системасын (ЕСИА) кулланачак. Аннары мәгълүматларны Бердәм биометрик система мәгълүматлары белән чагыштырачак. Моның өчен ике параметр – тавыш һәм фото кулланылачак., диелгән әлеге хәбәрдә.
Инициатива авторлары фикеренчә, бу шәхесне ачыклауда һәм клиентларның акчаларын саклауда төгәллекне сизелерлекне арттырачак.
Следите за самым важным и интересным в Telegram-каналеТатмедиа
Нет комментариев