Машина сөючеләр өчен күңелсез яңалык

«Гадел Россия – дөреслек өчен» партиясеннән Дәүләт Думасы депутатлары иминлек каешларын куллану кагыйдәләрен бозган өчен штрафны арттыруны күздә тоткан канун проектын керткән.  Әгәр инициатива хупланса, машина йөртүчеләр һәм пассажирлар өчен иминлек каешын такмаган өчен штраф 1 500 сумнан 3 000 сумга кадәр артачак. Мотошлемнарга да кагыла бу: шлемны каптырмыйча гына мотоцикл белән идарә итү яки шлемсыз пассажирлар йөртү дә югары штрафка китерәчәк.

Канун проектына аңлатма язуында билгеләп үтелгәнчә, үзгәрешләр юлларда иминлекне арттыруга һәм юл-транспорт һәлакәтендә зыян күрүчеләр санын киметүгә юнәлдерелгән.

Тулырак: https://shahrikazan.ru/news/kyskaca-ianalyklar/masina-soiucelar-ocen-kunelsez-ianalyk