Татарстан халкы социаль челтәрләрдә коронавируска каршы флешмоб башлады
Акциядә катнашучылар социаль челтәрләрдә кешеләргә иминлек теләп, елмаюлы фотолар урнаштыра.
Татарстан халкы, бүген билгеләп үтелә торган Бөтендөнья бәхет көнендә, социаль челтәрләрдә Covid-19 коронавирусына каршы флешмоб оештырды.
Акциядә катнашучылар бөтен кешегә дә иминлек теләп, социаль челтәрләрдә бәхетле фотолар урнаштыра башлады. Аларны #воВсе32 һәм #мечтайсомной дигән хештеглар белән дә билгеләп куя.
Флешмобның максаты — бүген дөньяда таралган коронавирус аркасында карантинда утырган кешеләргә һәм, гомумән, якыннарыңа иминлек теләп, елмаю бүләк итү.
Акциянең инициаторы — «Минем белән бергә хыяллан» Бөтенроссия хәйрия проекты.
Бу флешмобка күпләр, шул исәптән Рөстәм Миңнеханов та кушылды. "Барысы да әйбәт булыр!" - дип язган Татарстан Республикасы президенты Instagram битендә.
Татарстан яшьләр эшләре министры Дамир Фәттахов: «Елмаегыз. Әлеге мизгелгә куаныгыз. Акциягә кушылыгыз һәм бәхетле мизгелләрегезне сурәтләгән фотолар урнаштырыгыз!»
Фото: скриншот инстаграм
Чыганак: tatar-inform.tatar
Следите за самым важным и интересным в Telegram-каналеТатмедиа
Нет комментариев