Теләче Информ

Татарстанда яшәүчеләр «Чаян» һәм «Сөембикә» журналларын яратып укый

Яшел Үзәндә яшәүчеләр арасында - «Зеленодольская правда», ә Чаллы халкы арасында «Челнинские известия» газетасы популяр.

«Татмедиа» акционерлык җәмгыяте басмаларына мониторинг үткәрү нәтиҗәләреннән күренгәнчә, «Сөембикә», «Чаян», «Салават күпере» һәм «Казан утлары» журналларының ваклап сату буенча күрсәткечләре иң яхшысы булган. «Татмедиа» акционерлык җәмгыяте генераль директоры Шамил Садыйков шулай дип белдерде.

Реклама

«Сабантуй», «Ялкын» һәм «Сәхнә» журналлары сату темпларын арттыра. Газеталар арасында «Казанские ведомости» һәм «Мәдәни җомга» аеруча популяр. Балалар журналлары хакында да шулай дип әйтергә мөмкин», — диде ул

Мисал өчен, «Зеленодольская правда» — Яшел Үзәндә иң күп сатыла торган газета, бер айда 6,5 меңнән артык данә газета сатылган. Икенче урында — «Зеленый дол» (5,7 мең), өченчедә — «Яшел Үзән» (319 данә). Автокалада яшәүчеләр «Челнинские известия» газетасын яратып укый, шәһәрдә ул ай саен 18 мең данә тирәсе сатыла. Минзәлә районында «Салават күпере», «Сабантуй», «Чаян» һәм «Сөембикә» журналлары популяр.

tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: