Теләче районы Орымширмә авылында яшәүче ШАКИРОВА ГӨЛНИСА ТИМЕРГАЛИ КЫЗЫның 29 август көнне 80 яшьлек юбилее

Кадерле апаебыз! Сине чын күңелдән 80 яшьлек олы юбилеең белән котлыйбыз. Сиңа саулык-сәламәтлек, озын гомер, күңел тынычлыгы телибез. Балалар, оныклар игелеген күреп, исән-сау яшәргә язсын. Тормыш юлыңның күп вакыты читтә узса да, син әти-әниеңне, туганнарыңны беркайчан да ташламадың, гел ярдәм итеп тордың. Барысы өчен дә бик зур рәхмәт сиңа.

Һәр балаңның игелеген күреп,

Гел сөенеп кенә яшә син.

Сиңа шатлык, бәхет теләгәндә,

Амин, диеп торсын фәрештә.

Һәрбер иртә сине куандырып,

Шатлык белән яңа таң атсын.

Күзләреңне сагыш яше түгел,

Шатлык яше генә чылатсын.

Куанычлар гына алып килсен,

80 яшең - олы бәйрәмең.

Сиңа бүген бүләк итәбез без

Барлык яхшылыклар бәйләмен.

Иң изге теләкләр белән сеңлең Гөлзифа һәм аның кызлары Ризәлә, Гөлназ, Гөлнарлар гаиләләре.