Хроник арыганлык: нәрсәсе белән куркыныч һәм ничек дәваланырга?
Күпме генә ял итсәң дә – йокы туймый, никадәр генә ял итсәң дә – арыганлык бетми. Язга күчкән чорда еш кына әнә шундый халәт күзәтелә. Күпләр моны витаминнар җитмәү галәмәте дип саный. Табиблар исә, кешедә хроник арыганлык та булырга мөмкин, дип кисәтә. Анысы гади арудан күпкә куркынычрак ди, алар. Казанның 7 номерлы шәһәр хастаханәсе табиб-терапевты Карина Хәйретдинова шул хакта сөйләде.