Бәйрәмегез котлы булсын!

Сезне авыл хуҗалыгы һәм эшкәртү сәнәгате хезмәтчәннәре көне белән чын күңелдән тәбриклибез. Көз җиткәч, басу-кырлардагы, терлекчелек фермаларындагы эшләргә йомгак ясау, авыл хуҗалыгы алдынгыларына олы рәхмәтебезне белдерү – күркәм гадәтләрнең берсе. Быел июль-август айлары коры булуга карамастан, игенчеләребез басу-кырлардан мул уңыш җыеп алуга, терлекчеләребез сыйфатлы продукция җитештерүгә иреште. Бу авыл хезмәтчәннәренең фидакарь хезмәте нәтиҗәсендә ирешелә. Кадерле игенчеләребез, терлекчеләребез! Тырыш хезмәтегез өчен ихлас рәхмәтебезне кабул итегез! Үзегезгә һәм гаиләләрегезгә, якыннарыгызга сәламәтлек, күтәренке кәеф, бәрәкәтле тормыш телибез.

Муниципаль район Советы, муниципаль район башкарма комитеты.