Футбол уйнаучы егетләребез җиңү яулаган
7 һәм 8 май көнне Байлар Сабасында Төньяк төбәкләр кубогының яшүсмерләр арасында футбол буенча сезон ачылу тантаналары узды.
Ярышларда Арча, Биектау, Байлар Сабасы, Теләче, Кукмара районнары катнашты.
7 май көнне 2010-2011 нче елларда туган яшүсмерләр көч сынашты. Безнең район данын балаларга өстәмә белем бирү педагогы Рөстәм Габделгазиз улы Хәбиров җитәкчелегендә Теләче урта мәктәбеннән малайлар яклады. Уен нәтиҗәләре буенча безнең малайлар 1 нче урынны яуладылар.
8 май көнне 2006-2007 нче елларда туган яшүсмерләр уйнады. Безнең районны өстәмә белем бирү педагогы Илнар Камил улы Нәҗметдинов җитәкчелегендә Теләче һәм Үзәк урта мәктәпләреннән малайлар тәкъдим итте. Уен нәтиҗәләре буенча безнең малайлар 2 нче урынны яуладылар.
Ике команда да акчалата призлар белән бүләкләнделәр.
Следите за самым важным и интересным в Telegram-каналеТатмедиа
Нет комментариев