Муниципаль районнарда терлекчелек буенча семинарлар уза
Муниципаль районнарда «Сөт терлекчелегенең нәтиҗәле технологияләре – авыл хуҗалыгы предприятиесенең уңыш нигезе» темасына зона семинарлары уза.
Әлеге семинарлар Балтач һәм Актаныш районнарында инде узды.
Чарада Татарстан Республикасы авыл хуҗалыгы һәм азык-төлек министры урынбасары Ленар Гарипов, шулай ук авыл хуҗалыгы һәм азык-төлек идарәләре башлыклары, инвесткомпанияләр җитәкчеләре, терлекчелек буенча консультантлар һәм хуҗалыклар зоотехниклары катнашты.
Киңәшмәдә 2021 елның терлекчелек тармагының 8 айлык эшенә йомгак ясалды. Бу тема буенча хуҗалыкта селекция-генетика эшен оештыру һәм терлек азыгының сыйфаты турында фикер алыштылар.
Семинарда авыл хуҗалыгындагы инновацияләр - сөтне суыту технологиясе дә, саву җайланмаларын дезинфекцияләү технологиясе дә игътибардан читтә калмады.
Әлеге семинар Баулы һәм Балык Бистәсе районнарында да узачак.
Следите за самым важным и интересным в Telegram-каналеТатмедиа
Нет комментариев