Олы Мәтәскәдә велосипед ярышлары узды

Олы Мәтәскә авылы мәдәният хезмәткәрләре оештырган “Юлда йөрсәң бул өлгер, юл кагыйдәсен нык бел” дип исемләнгән юл хәрәкәте буенча велосипед ярышында балалар катнашты. Ярыш балаларның юл кагыйдәләрен ничек белүләрен тикшерү, юлларда игътибарлы булырга, юл кагыйдәләренә буйсынырга өйрәтү, алган белемнәрен ныгыту максатынннан оештырылды. Бу чарада балалар юл билгеләре һәм велосипед белән йөргәндә үтәлергә тиешле кагыйдәләр белән таныштылар.