Россия почтасы Татарстанда эксклюзив татар открыткалары сатуны башлап җибәрде

Татарстан Республикасы почта элемтәсе бүлекләре "Хатлар языгыз" акциясендә катнашу өчен татар телендә эксклюзив открыткалар сатуга җибәрделәр. Бу хакта «Россия Почтасы» ның Татарстан бүлеге директоры Регина Кузнецова үзенең «Инстаграмында» сөйләде.

Элегрәк  хәбәр иткәнчә, Татарстан Президенты Рөстәм Миңнеханов татар телендә открыткалар җибәрү буенча" Хатлар языгыз" акциясен хуплады. Акциянең максаты - татар халкын хатлар ярдәмендә берләштерү.

Акциядә катнашу өчен хат язарга һәм социаль челтәрләрдә #хатларязыгыз хештегын кулланып тамгаланырга кирәк.