Шамил Садыйков: "Җәмгыятьтә басма китаплар һәм журналларга карата укучыларыбызның кызыксынуы арта"

- Шамил Мөхәммәтович, «Татмедиа»  2021 елның беренче яртыеллыгын язылу һәм ваклап сату буенча нинди күрсәткечләр белән тәмамлый?

- Пандемия холдингның матбугат басмалары популярлыгы үсешенә комачаулый алмады. Кешеләр укуын дәвам итә һәм басма продукция белән актив кызыксына. Бу интернет һәм социаль челтәрләрне үстерү белән бер үк вакытта бара. Бүгенге көндә „Татмедиа“ интернет-киңлектә күп кенә проектлар булдыра, шул ук вакытта традицион басма матбугатка һәм журналларга карата укучыларыбызның кызыксынуы югары дәрәҗәдә кала.

Газета һәм журнал тиражлары 20 процентка арткан. Нәкъ менә журналлар зур сикереш ясаган — биредә язылуның ике тапкыр диярлек артуы теркәлгән.

Яртыеллыкка язылу кампаниясе нәтиҗәләре буенча „Татмедиа“ басмаларына гомуми язылу тиражы 227,6 мең данә тәшкил итте, ә 2020 елның икенче яртыеллыгында ул 190,4 мең данә булган иде. Район һәм шәһәр газеталарына язылу күләме 120,8 мең данә тәшкил итә, республика газеталарына — 33,1 мең данә (2020 елның шушы чорына карата үсеш 11,6 процент). Журналларга язылу 73 мең данәдән артып китте (узган елгы күрсәткечләргә карата 217 процент).

Республика җитәкчелеге ярдәме белән бүгенге көндә «Татмедиа» төбәкне үз басмалары белән тулысынча диярлек колачлауга ирешкән. Республиканың һәр кешесе рус, татар, чуваш һәм удмурт телләрендә матбугат басмаларыннан файдалана ала. 

- Басма периодиканы китерүгә бәйле хәл буенча да әйтеп китегез әле, чөнки узган ел почта эше буенча сораулар күп булды?

- Чыннан да, почта эше буенча берничә сорау бар. Кайбер районнарда почтальоннар юк, кайдадыр почта бүлекчәләре билгеле бер сәгатьләр буенча гына эшли, шулай ук конкрет торак пунктларга илтүгә бәйле сораулар да бар.
Шуңа күрә параллель рәвештә без альтернатив язылуны актив үстерәбез. Һәм инде хәзер үк язылуның 16% ы альтернатив канал буенча гамәлгә ашырыла. Ел саен без мондый эш форматын үстерәбез.

Икенче мөһим юнәлеш – ваклап сату. Алар шулай ук  квартал саен арта, бигрәк тә балалар журналлары.

Пандемия белән хәл безне интернет-сату үсешенә этәрде. Республикада мәкерле чикләүләр шартларында онлайн-сәүдәнең шартлаулы үсеше күзәтелә, һәм «Татмедиа» бу трендта катнаша. Хәзер без маркетплейсларга актив керәбез: безнең газета һәм журналларны KazanExpress һәм Яндекс.Маркет мәйданчыкларында сатып алырга мөмкин, Ozon һәм Wildberries белән килешүләр эштә.

Болардын тыш, без shop.tatmedia.ru Интернет-мәйданчыгы аша да сатуларны башлап җибәрдек. Бу онлайн-кибет, анда барлык без чыгарган  басмалар. Моннан тыш, безнең басмаларга өйдән язылырга мөмкинлек бирә торган электрон язылу да эшли.
Бу адымнарның барысы да «Татмедиа» АҖнең басма продукциясен дөньяның теләсә кайсы почмагында сатып алырга мөмкинлек бирәчәк.

— Узган ел Казан метросының берничә станциясендә «Татмедиа» вендинг автоматлары сынау режимында эшли башлады. Хәзер бу юнәлеш ничек үсә? Вендинг челтәрен алга таба киңәйтү буенча планнар нинди?

- Бу юнәлеш үзен аклады, без өстәмә автоматлар сатып алу белән шөгыльләнәбез. Хәзер Казанда алар 14 данә исәпләнә, һәм бу челтәр киңәйтеләчәк. "Татмедиа" автоматлары метро станцияләрендә, тимер юл вокзалында, аэропортта, шулай ук Федераль сәүдә челтәрләренең берничә мәйданчыгында урнашкан.

Мәсәлән, безнең вендинг Агропромпаркта бар, һәм ял көннәрендә безгә аны тулыландырырга туры килә. Кешеләргә бу уңайлы, анда карта аша түләү мөмкинлеге бар.  Быел без өстәмә автоматлар урнаштыру өчен яңа локацияләр билгеләргә планлаштырабыз, шул исәптән федераль сәүдә челтәрләре мәйданчыкларында.

Бу эшнең ахыргы бурычы - республикабызның һәр кешесе өчен  басмаларыбызны укырга уңайлы шартлар тудыру, һәм без бу максатка актив рәвештә барабыз.