Татарстан социаль эшкуарлар өчен 5 млн. сумлык махсус кредитлар әзерләгән

«Социаль предприятие» статусын алган Татарстанның кече һәм урта бизнесы республика Икътисад министрлыгыннан махсус заемга 5 млн.сумга кадәр исәп тота алачак. Татарстан Республикасы Эшкуарлыкка ярдәм итү фондының социаль өлкә инновацияләр үзәге (ЦИССС) финанс ярдәме мөмкинлеген анонслый.

Эшмәкәрләр 2021 елның 1 маена кадәр Россиянең социаль предприятиеләре исемлегенә кертү өчен гариза бирә ала. Кече һәм урта бизнесның социаль предприятиеләре реестры Россиядә узган елдан төзелә башлады. 

Татарстанда исемлекне формалаштыруны төбәк Икътисад министрлыгы алып бара. 2021 елда бизнесның социаль предприятиеләре өчен грант финанс ярдәме каралган.

Моннан тыш, быел социаль предприятиеләр өчен, 100 процент финанслау шарты белән, 500 мең сумга кадәр грант кертү планлаштырыла. Аларны төрле максатларга, шул исәптән арендага һәм ремонтлауга, коммуналь хезмәтләр өчен түләүгә, җиһазлар сатып алуга һ.б. алырга мөмкин булачак.

Социаль эшкуарлар реестрына кертү өчен кирәкле документлар турында тулырак мәгълүматны ТР Эшкуарлыкка ярдәм итү фондының социаль өлкә инновацияләр Үзәгендә алырга мөмкин.