Татарстанда ковид таралуны кисәтү өчен ноябрь уртасыннан яңа чикләүләр кертеләчәк

Татарстанда ноябрь уртасыннан башлап ковидны кисәтү өчен яңа чикләүләр гамәлгә кертелә.

«15 ноябрьдән театр, кинотеатр, кинозал, цирк, концерт заллары, рәсми физкультура, мәдәни, спорт чараларына бару өчен һәркайда QR-кодлар кирәк булачак», — диде ТР вице-премьеры Ләйлә Фазлыева.

Ул QR-кодлар бары тик шәхесне раслаучы документлар белән генә үз көчендә булачагын әйтте.

Прививка ясатмаучы 60 яшьтән өлкәнрәкләр эшләми торган көннәрдә өйдә булырга тиеш .