ТР Урман хуҗалыгы министрлыгы «Россия агачы» конкурсында республика өчен тавыш бирергә чакыра

ТР Урман хуҗалыгы министрлыгы Татарстан халкын «Россия агачы — 2021» конкурсында республика өчен тавыш бирергә чакыра.

Татарстан исеменнән  региональ әһәмияттәге комплекслы профильле «Долгая Поляна» дәүләти табигать заказнигы территориясендә үскән Себер чыршысы (Picea obovata Ledeb.) катнаша. Бу агач 2012 елда «Агач — тере табигать һәйкәле» Бөтенроссия дәрәҗәсенә ия булды. Чыршы яше - 134 яшь, биеклеге - 30 метрдан артык.

Конкурста 47 уникаль тарихи агач катнаша. Тавыш бирү 1 августка кадәр дәвам итәчәк.

"Россия агачы" конкурсы 2011 елдан бирле үткәрелә торган «Елның Европа агачы» халыкара конкурсының сайлап алу этабы булып тора.