Ураза гаете белән!

Хөрмәтле райондашлар! Сезне ихлас күңелдән Ураза гаете белән тәбрик итәбез. Ураза бәйрәме – Аллаһы Тәгаләнең без мөэминнәргә бүләге. Райондашларыбыз, дин кардәшләребез ай буена ураза тотты, Аллаһы Тәгаләдән ярлыкау сорады, тәүбә итте, мәчетләрдә тәравих намазлары укыды.

Хөрмәтле райондашлар! Ураза гаете һәркемгә көч-куәт, илһам өстәсен, игелекле эшләргә һәм гамәлләргә әйдәсен, һәр йортка, һәр гаиләгә шатлык, якты өметләр алып килсен. Чын йөрәктән тынычлык, исәнлек-саулык, кайгы-хәсрәтсез көннәр телибез! Тоткан уразаларыбыз кабул булсын!

Муниципаль район Советы, муниципаль район башкарма комитеты котлавы.