Ялган техник карау үзенә кыйммәтрәк: ТР ЮХИДИ намуссыз операторларны ачыклый

Инде ике ай, 1 марттан башлап, Россиядә техник карау узуның яңа кагыйдәләре эшли. Реформа намуссыз хуҗаларының автоларны фактик тикшермичә генә диагностика карталарын алуны булдырмас өчен кабул ителде.

«Дәүләт автоинспекциясе пунктларның Интернет аша эшен, шулай ук бирелгән карталар турында барлык мәгълүмат кертелә торган бердәм системага анализлый. Моннан тыш, контроль планнан тыш тикшерүләр һәм контроль сатып алулар үткәрү ярдәмендә гамәлгә ашырыла",-дип сөйләде Татарстан Дәүләт автоинспекциясенең техник күзәтчелек һәм теркәү-имтихан эше бүлеге башлыгы урынбасары Александр Севрикеев.

Яңа кагыйдәләр гамәлдә булган ике ай эчендә техник күзәтчелек хезмәткәрләре машинага техник карау узмыйча  диагностика картасын алган 212 очракны теркәгән. Бу очраклар өчен бер үк оператор җаваплы икән.

"Экспертның фактик тикшерүне уздырмавы турында без аны узганчы һәм аннан соң эшләргә кирәк булган фоторәсемнәр ярдәмендә белдек. Беренчедән, рәсемнәрдә без Фотошоп эзләрен таптык, икенчедән, техник карау узу урыны координаталары туры килмәде», – дип аңлатты Севрикеев.

Техосмотр пункты җитәкчеләренә карата административ эш кузгатылган - хәзер аларга 200дән 300 мең сумга кадәр штраф яный. Намуссыз оператор өчен дә 20дән 30 мең сумга кадәр штраф рәвешендә җәза каралган. Барлык законсыз карталар гамәлдән чыгарылган, ә бу хактагы мәгълүмат автостраховщиклар берлегенә җибәрелгән инде.

Сүз уңаеннан, ялган диагностик карта машина йөртүчеләргә автостраховщикларга бәйле проблемалар тудырырга мөмкинлек бирәчәк. Яңа кагыйдәләр буенча, техосмотр узмыйча, автомобиль хуҗалары ОСАГО рәсмиләштерә алмый.

"Реестрда техосмотр узу турындагы язма юк икән, иминият компаниясе компенсация түләүдән баш тарта. Моннан тыш, без йөртүчедән регресс белән акча түләттерә алабыз, бу кыйммәтрәк булачак», – дип сөйләде Татарстан автостраховщиклар берлеге вәкиле Азат Мортазин.

Аның сүзләренә караганда, хәзерге вакытта ТОны узу бәясе 400 сум тәшкил итә, ә ялган документ сатып алу берничә тапкыр кыйммәтрәк булырга мөмкин. Мортазин машина йөртүчеләрнең мондый тәртибен еш кына автомобильнең төзек булмавын яшерергә теләүләре белән аңлата.

«Мәсәлән, автомобильнең алгы пыяласында ярык бар. Пыяланы алмаштырмыйча, машина йөртүче диагностика картасын ала алмый. Пыяланы алыштыру аңа 5-7 мең сумга төшәчәк, ә монда ул техосмотр 1,5 меңгә үтә һәм юлларда йөрүен дәвам итә», – дип аңлатты Мортазин.

Техосмотр пунктларының берсе җитәкчесе Иршат Сәйфетдинов сөйләвенчә, кайбер операторлар яңа кагыйдәләрне үтәми. Әмма мондый очрак ЮХИДИ хезмәткәрләре тарафыннан документлар тикшерелгәндә тиз ачылырга мөмкин.