Яшүсмер егетләр туп сукты
10 март көнне “Батыр” спорт комплексында “Теләче” спорт мәктәбе тарафыннан 2005 нче елда туган һәм аннан кечерәк яшьтәге егетләр арасында волейбол буенча район беренчелеге булып үтте.
Ярышта барлыгы 7 мәктәптән 8 команда катнашты. Алар Теләче - 1, Теләче - 2, Олы Мәтәскә, Иске Җөри, Шәтке, Үзәк, Олы Нырсы Һәм Алан командалары.
Гомум команда беренчелегендә беренче урынны Теләче - 2 командасы яулады. Икенче һәм өченче урыннарга Иске Җөри һәм Теләче - 1 командалары чыкты. Дүртенче урында - Шәтке урта мәктәбе командасы. Ярышлар тәмам булгач, призлы урыннарны яулаган командаларга Дипломнар, медальләр һәм истәлек бүләкләре тапшырылды. Ярышларның җиңүчесе Теләче - 2 командасына Кубок тапшырылды.
Бүләкләрне ияләренә “Теләче” спорт мәктәбе директоры Илдар Гыйниятуллин, ярышларның баш хөкемдары Шамил Шәяхмәтов һәм өстәмә белем бирү һәм сәламәтләндерү үзәге җитәкчесе Раил Нәҗипов тапшырды.
Фәнил Гаязов.
Автор фотолары.
Следите за самым важным и интересным в Telegram-каналеТатмедиа
Нет комментариев