21 ноябрьдә "Батыр" спорт комплексында узган мини-футбол ярышларының нәтиҗәләре

21 ноябрь көнне "Батыр" спорткомплексында 2005-2006 елгы малайлар арасында мини-футбол буенча Бөтенрәсәй "Президент спорт уеннары" ның муниципаль этабы узды. Ярышлар "Цереком" җаваплылыгы чикләнгән җәмгыять оешмасы призына үткәрелде.

Ярышларда Теләче, Баландыш, Үзәк, Сауш, Олы Мәтәскә, Олы Мишә, Олы Нырсы, Иске Җөри мәктәпләреннән 10 команда катнашты.

Нәтиҗәләр буенча беренче урынга Теләче мәктәбеннән Теләче-1 командасы, икенче урынга Үзәк мәктәбе командасы һәм өченге урынга Теләче мәктәбеннән Теләче-2 командалары лаек булды. Җиңүчеләргә грамота һәм медальләр тапшырылды.

Тимур Имамиев