"Ак Барс" командасы "Медвешчак"ны җиңде

Казанлылар үз бозларында Загребтан килгән көндәшләрен 2:0 исәбе белән отты

Казанның "Ак Барс" командасы КХЛның чираттагы матчында үз бозында Загребтан килгән "Медвешчак" хоккейчыларын отты.

"Татнефть-арена"да Зиннәтулла Билалетдинов шәкертләре көндәшләрен 2:0 исәбе белән җиңде.

Шул рәвешле, "Ак Барс" 28 очко туплап, Чиләбенең "Трактор" командасын куып җитте, ул Көнчыгыш конференциядә сигезенче бара.

Казанлылар үзләренең киләсе матчын үз бозында 13 октябрь көнне Братиславаның "Слована" командасына каршы үткәрәчәк.

«Ак Барс» (Казан) - «Медвешчак» (Загреб) - 2:0 (1:0, 0:0, 1:0).

Алкалар: Глухов (Малыхин, Дялога, 01.45), Лукоянов (Корнеев, Свитов, 53.16).