Бүген Теләчедә салкын һава торышы саклана

Мул гына карлар явып киткәченнән соң районыбызга салкыннар да килеп җитте. Бүген көн дәвамында һәм 12 гыйнварга каршы төндә Теләче районында 21 - 26 градус салкын сакланыр дип көтелә. Ә иртәгә көн дәвамында 10 - 14 градус салкын вәгъдә итә синоптиклар.

Пәнҗешәмбе, 14 гыйнвар көнгә бераз җылытып, 1 - 4 градус салкынлык сакланыр дип көтелә, ә аннан соңгы көннәрдә синоптиклар фаразлавынча, тагын 10 - 20 градуслы салкыннар башланачак.

Мәгълүмат Гисметео сайтыннан алынды.