Әлмәт районында Колшәрип тимер юлында коточкыч юл һәлакәте булган

Бүген иртән Әлмәт районы Колшәрип тимер юлын чыгу юлында берьюлы 30 машина бәрелешә.

Фура зур тизлек белән килеп шлагбаумны җимерә һәм ВАЗ-2110 машинасына килеп бәрелә. Нәтиҗәдә, тимер юлда көтеп торган ВАЗ-2107 машинасы юл чатына төшә, тагын утызга якын машинага зыян килә. "Унлы" шоферы шунда ук үлә. Авыр йөк машинасының тормозлары эшләмәгән дигән фараз бар. Хәзерге вакытта тикшерү бара, тимер юл чыгу урыны исә ябык. Кәләй аша урап бару юлы ачык. Юлларда сак булыгыз!

Реклама

Фото һәм чыганак: Әлмәт Таңнары