Рөстәм Миңнеханов хоккейда 6 алка, Алексей Морозов 4 алка кертте

Матч Казанның Спорт сараенда Татарстан салым органнарына 25 ел тулу уңаеннан уздырылды.

Рөстәм Миңнеханов "Татарстан" командасы өчен чыгыш ясады. Каршы як команда - "Спортима" составында да танылган шәхесләр җитәрлек иде. Алар арасында РФ Федераль салым хезмәте башлыгы Михаил Мишустин һәм "Ак Барс"ның элеккеге капитаны, хәзер Яшьләр хоккей лигасы башкарма директоры Алексей Морозовны да күреп булды.

Әлеге очрашу тигез исәп белән төгәлләнде - 14:14. Иң нәтиҗәле уенчы булып 6 алка керткән Рөстәм Миңнеханов танылды. Алексей Морозов һәм Михаил Мишустин исәбендә 4әр алка бар.

intertat.ru