Янгын сүндерүчеләр Казанда яна торган тугыз катлы йорттан биш кешене коткарганнар

автор, 4 март 2019 - 11:58

1136

Янгын Фучик урамындагы йортның бер фатирында булган.

Янгын сүндерүчеләр Казанда яна торган тугыз катлы йорттан биш кешене коткарганнар. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Янгын турында хәбәр сәгать унберләр тирәсендә килде. Янгын Юлиус Фучик урамындагы 108нче йортның бишенче катында урнашкан фатирларның берсендә булды», – дип хәбәр иттеләр Гадәттән тыш хәлләр министрлыгында.

Янгын сүндерүчеләр йорттан биш кешене чыгарганнар, фатир хуҗабикәсе үзе чыккан.

Дүрт квадрат метр мәйданда булган янгынны берничә минут эчендә сүндергәннәр.